Coi fioi de’l Castel dei Conti Rota a San Moro
27 setenbre 2026
Se parti a le 09:00
Dura 3 ore
Posto de ritrovo: sul prà la de’l castel
No ze adàto ai fioi soto i 5 anni.
Adàto ai fioi soto i 14 anni se ‘compagnadi de adulti
Livel de dificoltà:
Facile
Percorso lungo 1,5 km
Dislivèl: +68 m
Se pol eser vestidi come che se vol
El progeto “Natura Arte Sapori” de la Comunità dei Italiani de Crassiza nasi da l’esigenza de risponder a una progresiva perdita de raporto col teritorio, che ze ancora più grave causa una società sempre più ligada a la tecnologia e sempre meno portada a viver i posti naturali e culturali de dove che vivemo.
In particolare, le persone più ansiane ga senpre meno ocasion de tornar in tei posti ligadi ai ricordi, invese le nove generasioni ris’cia de no conoser fina in fondo la storia, la parlada e l’identità del Buiese.
Con eventi artistici inte la natura, el progeto vol jutar a riscoprir cuesti loghi come vivi, de incontro, che i conta storie e che trasmeti cultura.
Le atività proposte ga come obietivo quel de sveiàr curiosità, interese e partecipazion tra i giovani e le fameje, coinvolgendo anca un publico esterno e turistico.
