Natura, Arte e Sapori ze un progeto che invita a riscoprir el teritorio caminando.

No un festival concentrà in un unico posto, ma tre eventi separadi, tre caminade inte i paesagi diversi del Buiese, durante le quali la natura diventa el fil che colega arte, cultura e gusti de’l teritorio.

Int’el percorso incontraremo posti de oservar, storie de scoltar e momenti artistici a sorpresa: teatro, mùzica e altre forme de spetacolo andarà dentro el paesagio sensa destacàrse de lui. La caminàda finirà con la scoperta de i prodoti e dei gusti locali, trasformando ogni apuntamento in un’esperientsa de viver insieme.

Natura, Arte e Sapori nasi per vardar con oci novi posti che, forsi, conosemo de sempre, riscoprindo el valor natural, cultural, e umano che i ga. Un progeto pensà per famiglie, pici, grandi, ansiàni e visitatori, dove che generasioni diverse pol incontrarse e condivider el teritorio.
Ogni apuntamento ze indipendente: ze posibile partecipar a una, a due o a tute tre le caminàde.